SHACHYEN SHAGA HTE DAW ANG AI LAM

Shachyen shaga lam gaw Jinghpaw ni a htunghking hta grai ahkyak ai lam rai nga ai. Shing nrai shachyen shaga lam hta Jinghpaw htunghking a namnak hpe shapraw shadan dan nga ai. Shada hkrum ai shaloi shachyen shaga hkat ai lam gaw mungkan masha yawng hta nga nga ma ai. Raitim Jinghpaw a shachyen shaga lam gaw yawng hta laklai ai hku nga nga mali ai. Shachyen shaga ai hpang gaw shada kanawn mazum ai lam hta grau manu dan ai hku kanawn mazum lu nga ga ai. Shachyen dat ai hte rau Jinghpaw gaw lama mi hku nrai, lama mi hku ni hkat lu nga ai. Kaga amyu ni a shachyen shaga lam gaw mying chye lu ai hte shi a bungli chye ya ai daram sha rai nga malu ai. Shachyen shaga hkat ai lam hpe kasi kamang hku sha madun dan lu ai. Shada n chye n mu yu hkat ai masha lahkawng shachyen shaga hkat ai kaw nna hpang ga nga yang, maren mara asak bung ai la shada hkrum ai shaloi, hkau ngu nna shaga hpang ai.
Hkau ngu ai gaw mayu hte dauma lapran asak bung ai la sha yan shaga hkat ai ga rai nga ai. Raitim ndai shara kaw kadai mayu nna kadai gaw dauma ai lam hpe n tsun ai, shawa hku daw hkat ai ga sha rai nna maren mara re ai hku shaga hpang mayu nga ai. Bai nna la sha hte num sha asak ram bung ai yan rai yang, la sha hku hkri, num sha hku tsa, ngu nna shaga hpang ai. Lama wa kanam ngu dat yang gaw ngai na madu jan e ngu mayu ai hte grai ni mat wa ai, gu ngu yang mung madu wa ngu mayu ai de shanang mat ai. Hpu, nau ngu yang mung amyu bawsang lama n bung taw yang, n htuk dik ai lam byin wa lu ai. Dai majaw hkri, tsa, ngu ai gaw ka-ang rai nna hkunga hkat ai daw ang ai lam rai nga ai. Kahkri hte katsa daram hkungga hkat ai lam kaga n nga sai. Dai majaw hkri, hte tsa, ngu shaga hkat hpang ai gaw htap htuk dik ai htunghking shachyen shaga lam nan rai sai majaw, Jinghpaw htung gaw si mani, tsawm htap ai hpe shapraw nga ai. Asak bung ram ai la sha shada hkrum ai shaloi ga hpaw shachyen hpang mai ai ga ni;-
Ya hkau gaw kadai mahtang rai wa sata?
Hkau hpe mung atsawm n chye ai.
Hkau gaw kadai kasha kun? poi shing-ra hkan mu hkat ai hpang shachyen yang gaw hkau hte mung garai n shachyen shi ai.
Hkau hpe mung atsawm n chye ai.
Lahta na ga san san ai wa gaw Maran Gam rai nna san hkrum ai wa gaw Marip Naw rai yang, Marip Naw bai htan mai ai lam ni gaw;-
Rai a, ngai Marip kasha rai nngai, Marip Lama, Jawng Lasang nga ai baw rai ga ai, htinggaw mying gaw Hka Lam ni nga ma ai, Ngai gaw Naw mahtang rai nngai, Naw Awng nga ma ai nga nna htan mai nga ai. Shaloi Maran Gam gaw an hkau nan rai sa, nang mayu wa re nga nna bai tsun na rai nga lu ai.
Shaloi Marip Naw Awng hku nna hkau hpe mung atsawm n chye nga nna bai san chye ai,
Shaloi Maran Gam re, ngai gaw Maran kasha rai nngai,
Nshang Ran rai nna Pungga Lanaq nga ai baw rai ga ai, ngai Gam mahtang rai nngai, shaga mying gaw Ja Li nga ma ai.
Shaloi Marip Naw gaw rai nga ai, nang dauma wa nan re, an hkau nan rai sa, buga gaw gara kaw rai, ya Myitkyina Shatapru Mungna daru lawk nta hti hkum 9 kaw re. Shawng de gaw gara kaw na kun? Shawng de gaw Mali Nmai walawng Jawa krung, hkaram Pungga ga kaw nga ga ai. Hkau ni gaw taw? Myitkyina Manhkring lawk 3 nta hti hkum 14 e nga ai. Moi gaw Mali hkrang walawng Bawm Wang ga kaw nga ga ai. Lahta e madun ai kasi gaw kalang mung n mu yu hkat ai katsing galang chyasam shachyen hkat ai rai nna shachyen ngut ai hte gaw hkau Li, hkau Awng nga nna shaga hkat lu sai lam hpe madun ai.
Lahta e tsun sai hte maren, num sha langai mi gaw shi hte asak ram ai la sha hpe tsa ngu nna shachyen hpang na rai nga ai. (2) Asak kaji ai ni kaba sai la salang hpe shachyen hpang yang gaw myit su wa gaw kadai. (3) Asak kaba sai ni, asak kaji ai la sha hpe rai yang, hkau ma gaw kadai, shing nrai brang wa gaw kadai. (4)Asak kaba sai hpaw myi hpe gaw yu nna hkawp ngu bai shaga hpang la ra nga ai. Ndai shara kaw masha kadai re ai, tinang hte hpa baw daw ai, gara buga na masha re ai hpe chye chyalu rai jang gaw ;-
San - Tsa Bawk ya du i? tsa Bawk galoi du?
Htai - Au, ya du ai, mana du ai.
San - Kaning ngu du ai? hpa sha mi nga du ai, nang hkrai kun?
Htai- Au, ngai hkrai gaw e, manang wa kaw gumhpraw loi la ra ai, lu ang sai kun? san yu na ngu du ai gaw e,
San - Buga de gaw kaja ta mani? nta na ni gaw kaja nga mani?
Htai - Um, yawng kaja nga ga ai, waw loi li gaw lawt shajang ma ai.
San - ya hte gaw hpa shara rai sata? ya hte gaw hpa sha mi galaw ga myit ta?
Lahta na zawn san ai gaw bungli langai hte langai lapran na aten hpe san ai, aten shagu n san ang ai, ga shadawn, yi hkyen hte yi nat lapran, yi magang hte mam mu lapran aten zawn re ai aten hta san ai. Aten hkrak sha chye ai aten hta gaw yi nat ten rai yang yi gaw lu ra masin ni? mam mu ngut wa sani? mam gaw yawng shatawm la lu sani? nga nna san chye nga ma ai. Grai hkau ai jinghku, grai marit nga yang, n myit mada ai sha hkrum hkat ai shaloi gaw, goi sha, sharaw e garawt na wa, mu achyeq na, saqwa si na wa, ndang e kapaw na jan, ya nang naw hkrung nga a hka? nga nna shaga hkat hpang chye ma ai.
Shada daw ang hkat ai lam;-
a. Mayu - num ya, num jaw ai amyu lakung htinggaw ni rai nga ma ai.
b. Dauma - num la amyu, htinggaw ni gaw dauma ni rai nga ma ai.
c. Hpu nau - (1) Amyu bung ai ni yawng hpu nau rai nga ai. (2) tinang la ai num a kana kanau ni hpe la ai ni yawng hpu nau (num hpang rai na)
d. Kaji Kawoi - (1) Tinang a kanu kawa pang a kanu kawa ni yawng kaji kawoi rai na. (2) Tinang a dauma ni a dauma ni hpe mung kashu (shu hkri) daw na.
e. Kashu - (1) Tinang a kasha a kasha hpe kashu na. (2) Tinang a dauma ni a dauma ni hpe mung kashu (shu hkri)
f. Kahkai, kake- (1) Tinang a kaji a kanu kawa hpe kahkai daw ai. (2) Tinang a kahkai a kanu kawa hpe kake daw ai.
g. Shu mashi, shu masha - (1) Tinang a kashu a kasha hpe shu mashi ai. (2) shu mashi a kasha hpe shu masha ai, shu masha hte gaw galoi mung n hkrum yu na rai sai rai nna shu masha ngu ai rai nga ai.
Daw shamying ai lam;-
1. Tinang a kawa a kahpu kanau ni yawng hpe kawa ni ngu shaga ai.
2. Kawa a kajan kana ni yawng hpe kamoi ni ngu shaga ai.
3. La sha ni gaw kamoi a shadang sha ni yawng hpe hkau ai.
4. Kamoi a shayi sha ni hpe hkri ai.
5. Num sha ni gaw kamoi a shayi sha hpe ning ai, kamoi a shadang sha ni hpe kagu, garat ai.
6. Kahpu kayung a madu jan ni hpe mung kaning ai.
7. Kanu a kawa ni hpe kaji ai.
8. Kanu a kanu ni hpe gadwi ai.
9. Kaning a kanu ni hpe kani ai.
10. Madu jan a kawa ni hpe katsa ai.
11. Madu jan a kanu ni hpe kani ai.
12. Kahpu ni a madu jan ni hpe garat ai.
13. Kanau ni a madu jan ni hpe kanam ai.
14. Kasha ni a madu jan ni hpe kanam ai.
15. Kasha ni a madu wa ni hpe kahkri ai.
16. Kahkri ni a madu wa ni hpe kashu ai.
17. Madu wa a kawa ni hpe gagu ai.
18. Madu wa ni a kanu hpe kamoi ai.
19. Tinang a madu jan hpe daw shaga ai lam n nga ai, dai majaw kanu e, gumgai e, nga nna hkrup mara shaga ai.
Mying hkawt hte shaga ai lam;- Tinang hte jem jem daw ai ni hpe gaw mying hkawt hte sha shaga nna kaga daw ang ai lawu lahta hpe gaw daw mying hte mying madung hpe kayep tsun ai. Ga shadawn, tinang a kawa a kahpu majing hpe gaw wa ba, wa di, nga nna shaga ai, kawa a kanau majing ni hpe mung wa bawk, wa gun, wa doi nga nna shaga ai, raitim, lawu lahta daw ang ai ni hpe rai yang gaw kawa a kahpu ang ai wa hpe wa di Zau Gam, wa bawk Ja Naw nga nna mying madung hpe shalawm ai, mying madung lawm jang, kawa a kahpu kanau majing n re ai hpe chye na lu ai. Dai hta kaga kanu kamoi katsa ni mung dai hte maren rai nga ai.
Mying hkawt hte shaga mying ni;-
1. La mying mying hkawt ni;-
(1) Gam hpe wa Ba, wa Di ai.
(2) Naw hpe wa Bawk, wa ji ai.
(3) La hpe wa Doi, wa Bawk (hkahku)
(4) Tu hpe wa Lum ai.
(5) Tang hpe wa Gun ai.
(6) Yaw hpe wa Dim, wa Htung ai.
2.Num mying hkawt shaga ai lam;-
(1) Kaw, Hkawn hpe nu Tung ai.
(2) Lu hpe nu bawk ai.
(3) Roi hpe nu ji ai.
(4) Htu hpe nu Lum ai.
(5) Kai hpe nu Htang ai.
(6) Pri hpe nu Dim ai. Kaga kamoi kana karat kaning raitim lahta na hte maren rai nga ai.
Rev. Pungga Ja Li

Wunpawng Shadang

Marai ningja hpring ai
Wunpawng shadang...
Na matu sha n myit... Myu hpe tsaw ai

http://www.boell-southeastasia.org/en/categories/scholarship-myanmar-program
ndai website gaw
Thai mung hta hpaw da ai dakkasu
myen mung scholarship a matu program ni nga ai.

Dai ni

Dai ni na laban nhtoi gaw nawku jawng n sa ai, hpa majaw nga yang, wunkat lung nga ai ten shata mi bat lahkawng lang sha nawku jawng sa ai. lai wa sai bat 2 na laban hta sa sai.

Dai ni gaw, UDHR presentation na matu shajin nga ga ai.
wunkat ngut na tinang buga de buga masha ni chye na hkra gara ladat hte gara hku sharin na hpe hkyen ai lam re.


lani hte lani chye la lu ai lam ni mung law wa ai..
lani hte lani ngai grai naw hka-ja ra ai hpe mung grau grau chye wa ai.

Anhte Wunpawng Myu sha shagu mung law law hka-ja la nna, tinang buga, tinang myu sha ni hpe garan gachyan ra nga ga ai.
Tinang hkrai chye, tinang hkrai jai sha ai hpaji n rai na matu mung ahkyak ai.Nang langai hkrai pyaw ai hte n ngut na re. na kahpu kanau, na makyin jinghku, na a ru sai ni yawng ni ngwi pyaw yang she nang mung teng sha ngwi pyaw na re.

Ngai langai sha n galaw ai mi hpa n ra na re ngu n mai myit ai. Nang langai mi ting yawm yang myu sha a matu manu mana yawm kaba re.

Jawpoi masat shadaw

tsamari

n hpaw byin ai grai na mat sai ngai na blogger hpe dai na tsamari sha bai lu hpaw ai. ngai na blogger mying pyi tsamari she lu tam la ai.. huu. nsa kaba she shaw ai le.
online n lu lang ai bum karing karang kaw na sa wa ai rai na.. dai na tup baw she sin hkra net hkrai she kajam taw sai.

galai shai nga ai mungkan

dai ni na mungkan hta lam shagu galai shai nga sai
shinggyim masha a myit masa lam ni mung lai wa sai ten na hte n bung nga sai
anhte lang nga ai arung arai ni mung lani hte lani grau grau prat dep ai arai ni hpe shapraw lang nga sai. hpaji masa lam hku nga yang mung nnan shalat ai hpe grau madung dat wa ai.

rai yang, anhte a myit ni hpe mung grau mai kaja ai hku myit mang sa wa ra ai.
mai byin yang masha law law wuhpung law law a matu akyu rawng ai masha tai hkra anhte shakut ra ai. mungkan ga hpe K.K ra sharawng ai hku makawp maga na grai ahkyak nga sai.

Chyum laika sharin hpawng

Dai na de WCC ramma ni a chyum laika sharin hpawng nga ai.
Karai hta myit maju jung let sak hkrung lu hkra Madu hta shingbyi nga ga.

chyum laika sharin ai gaw shata lahkawng laman kalang galaw ai, kalang galaw yang lani mi hkying hkum 3, lahkawng ya re.

yawng shang lawm ga.

Lamu mung ai

Dai ni gaw bungli langai hpe kachyi mi lu shangut kau ai majaw, myit hta loi asan nga ai. Raitim, ya matut galaw ra ai bungli ni mung grai naw nga ai. Shani shagu htaw ra galaw ndai galaw na sha aten gaw lai she lai, asak mung kaba she kaba wa sai.

Dai ni lamu loi katsi na masha mung muk muk nga taw ai.
Mana mung yup tung rai yang mala la she kashung wa ai

gai gai naw hkring la na sai.....

Ahkyak Dik Ai

Anhte a prat hta manu dan dik ai gaw hpa rai? Ga san san wa yang tsaw manang kara hku htai na.

Nkau mi a matu gaw ja gumhpraw da.
Nkau mi a matu gaw hpaji!
Nkau mi rai yang gaw manaw manang!

Ndai zawn tinang manu shadan ai lam gaw n bung ai.

Ndai ga san hpe ngai lama htai yang gaw. Ahkying aten ngu na re.
Anhte a prat hta ahkying aten gaw manu dan dik ai.
Lai mat sai hpe galoi mung nhtang la n mai ai.
Anhte yawng aten hpe shachyut na sak hkrung nga ga ai.
"Lama anhte aten hpe majoi shalai kau ai rai yang, lani mi hta aten mung anhte hpe majoi shalai kau na re", nga tsun da nga ai.
Asak kaji nga ai ten hta aten second mi hpe manu n shadan shalai kau yang, nang asak kung ai ten hta hkying hkum mi jam jau na ra ainga mung sharin da nga ai.

Ya dai ni bai myit yu yang kaja wa nan teng nga ai.

Aten a manu hpe chye ai wa gaw hpaji rawng dik ai wa re.
Aten ahkying kade hpu ai hpe anhte ta tut hta yu yu let, manu tawn chye ga.

Na ntsa ngai mu ai ningmu

Laika n ka ai loi mi na mat ai. Shawoi mung grai ka la ai chyawm gaw n re ai le. Ya mung ngai na blog hpe kabai da ai nau na mat na bai hpaw yu ai shaloi lama mi gaw ka bang da na re ngu myit let, ka byin mat ai rai nga ai. Ga baw hte gaw htap htak na kun!



Dai ni na ten hta ngai mu mada ai ramma law law nga ai. Ramma langai hte langai a sat lawat, ning mu, myit yaw shada ai lam, myit mada ai lam ni gaw n bung nga ai. Gun hpai nga ai magam bungli ni mung shai nga ai sha n'ga, makau gup-yin hte nga kaba wa ai mung kaga ga rai nga ai. Hpaji chye ai ni lawm ai zawn hpaji n chye ai, sut-su ai, matsan ai ni mung law law rai nga ai. Tinang prat hta ra n rawng hkra hpring zup ai ni nga tim, lam shagu ginlut ding hprut ai ni mung law law rai nga ai.

Dai zawn n bung n pre ai ni law law a majaw anhte ramma ni a myit masa ni mung langai hte langai shai mat wa ai rai sam ai. Shai nga ai myit masa hpan masum hpe ngai mu mada ai hku ka mat na nngai.

Hpan langai hta, ngai hpaji chye ra ai, ngai chye yang she ngai bungli lu na. Manang wa, jinghku jing-yu wa hpa byin tim ngai hte n seng ai. Kadai hte mung ngai n kanawn na, ngai hpa galaw tim kadai hte n bawngban ra ai, ngai shakut yang ngai lu na. Ngwi pyaw yang rai sai.

Hpan lahkawng hta, hpa lam hta tim myit tsang chye ai, hkrit ja la ai hte n gwi la ai myit. "Ngai hta hpa atsam rawng ai gaw n rai, yau sai shanhte galaw mu ga". Masha ni hpe hkrai kam masha ni hpang hkrai hkan mayu ai myit.

Hpan masum hta, lam shagu hta woi awn mayu ai myit, shagrit shanem ai myit, myu tsaw mung tsaw ai myit, ningbaw lam hta shang tsap gwi ai myit rawng ai. "Ndai bungli hta ngai nan shang lawm ra ai! ngai nan gunhpai ra ai" nga myit rawng ai.

Ndai myit masa lam amyu myu nga ai hta tinang kara kaw lawm nga ai kun! Kara myit masa gaw kaja ai kun hpe myit maram myit sawn yu ga. Myit lu ai daram mi karan kachyan dat ai.

Hkawhkam wa a matu galaw da ai nampan sun

Thai mungdan na hkawhkam wa a matu galaw da ya ai nampan sun wang kata kaw rai nga ai. Wang hpe kaba dik hkra galaw da ai rai nnan, yu chyai hpa law law hpe mung madun da ai. Maigan masha ni, mungdan masha ni wam chyai pyaw chyai na matu hte shang gumhpraw tam ai shara mung rai nga ai. 

Royal Garden

Royal Garden shara mi kaw na view langai.

SHACHYEN SHAGA HTE DAW ANG AI LAM

Ndai laika hpe kachinnet kaw na mara da ai re. Wunpawng rai sai ni gaw shachyen shaga gaw n chye yang n mai ai, n chye ai kaw gaw ngai nam bat langai rai nngai. Raitim ya ngai hkaja nga ding yang re ai majaw chye wa na re ngu kam let shakut nga ding yang re.

Shachyen shaga lam gaw Jinghpaw ni a htunghking hta grai ahkyak ai lam rai nga ai. Shing nrai shachyen shaga lam hta Jinghpaw htunghking a namnak hpe shapraw shadan dan nga ai. Shada hkrum ai shaloi shachyen shaga hkat ai lam gaw mungkan masha yawng hta nga nga ma ai. Raitim Jinghpaw a shachyen shaga lam gaw yawng hta laklai ai hku nga nga mali ai. Shachyen shaga ai hpang gaw shada kanawn mazum ai lam hta grau manu dan ai hku kanawn mazum lu nga ga ai. Shachyen dat ai hte rau Jinghpaw gaw lama mi hku nrai, lama mi hku ni hkat lu nga ai. Kaga amyu ni a shachyen shaga lam gaw mying chye lu ai hte shi a bungli chye ya ai daram sha rai nga malu ai. Shachyen shaga hkat ai lam hpe kasi kamang hku sha madun dan lu ai. Shada n chye n mu yu hkat ai masha lahkawng shachyen shaga hkat ai kaw nna hpang ga nga yang, maren mara asak bung ai la shada hkrum ai shaloi, hkau ngu nna shaga hpang ai.
Hkau ngu ai gaw mayu hte dauma lapran asak bung ai la sha yan shaga hkat ai ga rai nga ai. Raitim ndai shara kaw kadai mayu nna kadai gaw dauma ai lam hpe n tsun ai, shawa hku daw hkat ai ga sha rai nna maren mara re ai hku shaga hpang mayu nga ai. Bai nna la sha hte num sha asak ram bung ai yan rai yang, la sha hku hkri, num sha hku tsa, ngu nna shaga hpang ai. Lama wa kanam ngu dat yang gaw ngai na madu jan e ngu mayu ai hte grai ni mat wa ai, gu ngu yang mung madu wa ngu mayu ai de shanang mat ai. Hpu, nau ngu yang mung amyu bawsang lama n bung taw yang, n htuk dik ai lam byin wa lu ai. Dai majaw hkri, tsa, ngu ai gaw ka-ang rai nna hkunga hkat ai daw ang ai lam rai nga ai. Kahkri hte katsa daram hkungga hkat ai lam kaga n nga sai. Dai majaw hkri, hte tsa, ngu shaga hkat hpang ai gaw htap htuk dik ai htunghking shachyen shaga lam nan rai sai majaw, Jinghpaw htung gaw si mani, tsawm htap ai hpe shapraw nga ai. Asak bung ram ai la sha shada hkrum ai shaloi ga hpaw shachyen hpang mai ai ga ni;-

Ya hkau gaw kadai mahtang rai wa sata?
Hkau hpe mung atsawm n chye ai.
Hkau gaw kadai kasha kun? poi shing-ra hkan mu hkat ai hpang shachyen yang gaw hkau hte mung garai n shachyen shi ai.
Hkau hpe mung atsawm n chye ai.
Lahta na ga san san ai wa gaw Maran Gam rai nna san hkrum ai wa gaw Marip Naw rai yang, Marip Naw bai htan mai ai lam ni gaw;-
Rai a, ngai Marip kasha rai nngai, Marip Lama, Jawng Lasang nga ai baw rai ga ai, htinggaw mying gaw Hka Lam ni nga ma ai, Ngai gaw Naw mahtang rai nngai, Naw Awng nga ma ai nga nna htan mai nga ai. Shaloi Maran Gam gaw an hkau nan rai sa, nang mayu wa re nga nna bai tsun na rai nga lu ai.

Shaloi Marip Naw Awng hku nna hkau hpe mung atsawm n chye nga nna bai san chye ai,
Shaloi Maran Gam re, ngai gaw Maran kasha rai nngai,
Nshang Ran rai nna Pungga Lanaq nga ai baw rai ga ai, ngai Gam mahtang rai nngai, shaga mying gaw Ja Li nga ma ai.
Shaloi Marip Naw gaw rai nga ai, nang dauma wa nan re, an hkau nan rai sa, buga gaw gara kaw rai, ya Myitkyina Shatapru Mungna daru lawk nta hti hkum 9 kaw re. Shawng de gaw gara kaw na kun? Shawng de gaw Mali Nmai walawng Jawa krung, hkaram Pungga ga kaw nga ga ai. Hkau ni gaw taw? Myitkyina Manhkring lawk 3 nta hti hkum 14 e nga ai. Moi gaw Mali hkrang walawng Bawm Wang ga kaw nga ga ai. Lahta e madun ai kasi gaw kalang mung n mu yu hkat ai katsing galang chyasam shachyen hkat ai rai nna shachyen ngut ai hte gaw hkau Li, hkau Awng nga nna shaga hkat lu sai lam hpe madun ai.
Lahta e tsun sai hte maren, num sha langai mi gaw shi hte asak ram ai la sha hpe tsa ngu nna shachyen hpang na rai nga ai. (2) Asak kaji ai ni kaba sai la salang hpe shachyen hpang yang gaw myit su wa gaw kadai. (3) Asak kaba sai ni, asak kaji ai la sha hpe rai yang, hkau ma gaw kadai, shing nrai brang wa gaw kadai. (4)Asak kaba sai hpaw myi hpe gaw yu nna hkawp ngu bai shaga hpang la ra nga ai. Ndai shara kaw masha kadai re ai, tinang hte hpa baw daw ai, gara buga na masha re ai hpe chye chyalu rai jang gaw ;-
San - Tsa Bawk ya du i? tsa Bawk galoi du?
Htai - Au, ya du ai, mana du ai.
San - Kaning ngu du ai? hpa sha mi nga du ai, nang hkrai kun?
Htai- Au, ngai hkrai gaw e, manang wa kaw gumhpraw loi la ra ai, lu ang sai kun? san yu na ngu du ai gaw e,
San - Buga de gaw kaja ta mani? nta na ni gaw kaja nga mani?
Htai - Um, yawng kaja nga ga ai, waw loi li gaw lawt shajang ma ai.
San - ya hte gaw hpa shara rai sata? ya hte gaw hpa sha mi galaw ga myit ta?
Lahta na zawn san ai gaw bungli langai hte langai lapran na aten hpe san ai, aten shagu n san ang ai, ga shadawn, yi hkyen hte yi nat lapran, yi magang hte mam mu lapran aten zawn re ai aten hta san ai. Aten hkrak sha chye ai aten hta gaw yi nat ten rai yang yi gaw lu ra masin ni? mam mu ngut wa sani? mam gaw yawng shatawm la lu sani? nga nna san chye nga ma ai. Grai hkau ai jinghku, grai marit nga yang, n myit mada ai sha hkrum hkat ai shaloi gaw, goi sha, sharaw e garawt na wa, mu achyeq na, saqwa si na wa, ndang e kapaw na jan, ya nang naw hkrung nga a hka? nga nna shaga hkat hpang chye ma ai.

Shada daw ang hkat ai lam;-
a. Mayu - num ya, num jaw ai amyu lakung htinggaw ni rai nga ma ai.
b. Dauma - num la amyu, htinggaw ni gaw dauma ni rai nga ma ai.
c. Hpu nau - (1) Amyu bung ai ni yawng hpu nau rai nga ai. (2) tinang la ai num a kana kanau ni hpe la ai ni yawng hpu nau (num hpang rai na)
d. Kaji Kawoi - (1) Tinang a kanu kawa pang a kanu kawa ni yawng kaji kawoi rai na. (2) Tinang a dauma ni a dauma ni hpe mung kashu (shu hkri) daw na.
e. Kashu - (1) Tinang a kasha a kasha hpe kashu na. (2) Tinang a dauma ni a dauma ni hpe mung kashu (shu hkri)
f. Kahkai, kake- (1) Tinang a kaji a kanu kawa hpe kahkai daw ai. (2) Tinang a kahkai a kanu kawa hpe kake daw ai.
g. Shu mashi, shu masha - (1) Tinang a kashu a kasha hpe shu mashi ai. (2) shu mashi a kasha hpe shu masha ai, shu masha hte gaw galoi mung n hkrum yu na rai sai rai nna shu masha ngu ai rai nga ai.

Daw shamying ai lam;-
1. Tinang a kawa a kahpu kanau ni yawng hpe kawa ni ngu shaga ai.
2. Kawa a kajan kana ni yawng hpe kamoi ni ngu shaga ai.
3. La sha ni gaw kamoi a shadang sha ni yawng hpe hkau ai.
4. Kamoi a shayi sha ni hpe hkri ai.
5. Num sha ni gaw kamoi a shayi sha hpe ning ai, kamoi a shadang sha ni hpe kagu, garat ai.
6. Kahpu kayung a madu jan ni hpe mung kaning ai.
7. Kanu a kawa ni hpe kaji ai.
8. Kanu a kanu ni hpe gadwi ai.
9. Kaning a kanu ni hpe kani ai.
10. Madu jan a kawa ni hpe katsa ai.
11. Madu jan a kanu ni hpe kani ai.
12. Kahpu ni a madu jan ni hpe garat ai.
13. Kanau ni a madu jan ni hpe kanam ai.
14. Kasha ni a madu jan ni hpe kanam ai.
15. Kasha ni a madu wa ni hpe kahkri ai.
16. Kahkri ni a madu wa ni hpe kashu ai.
17. Madu wa a kawa ni hpe gagu ai.
18. Madu wa ni a kanu hpe kamoi ai.
19. Tinang a madu jan hpe daw shaga ai lam n nga ai, dai majaw kanu e, gumgai e, nga nna hkrup mara shaga ai.

Mying hkawt hte shaga ai lam;- Tinang hte jem jem daw ai ni hpe gaw mying hkawt hte sha shaga nna kaga daw ang ai lawu lahta hpe gaw daw mying hte mying madung hpe kayep tsun ai. Ga shadawn, tinang a kawa a kahpu majing hpe gaw wa ba, wa di, nga nna shaga ai, kawa a kanau majing ni hpe mung wa bawk, wa gun, wa doi nga nna shaga ai, raitim, lawu lahta daw ang ai ni hpe rai yang gaw kawa a kahpu ang ai wa hpe wa di Zau Gam, wa bawk Ja Naw nga nna mying madung hpe shalawm ai, mying madung lawm jang, kawa a kahpu kanau majing n re ai hpe chye na lu ai. Dai hta kaga kanu kamoi katsa ni mung dai hte maren rai nga ai.

Mying hkawt hte shaga mying ni;-
1. La mying mying hkawt ni;-
(1) Gam hpe wa Ba, wa Di ai.
(2) Naw hpe wa Bawk, wa ji ai.
(3) La hpe wa Doi, wa Bawk (hkahku)
(4) Tu hpe wa Lum ai.
(5) Tang hpe wa Gun ai.
(6) Yaw hpe wa Dim, wa Htung ai.
2.Num mying hkawt shaga ai lam;-
(1) Kaw, Hkawn hpe nu Tung ai.
(2) Lu hpe nu bawk ai.
(3) Roi hpe nu ji ai.
(4) Htu hpe nu Lum ai.
(5) Kai hpe nu Htang ai.
(6) Pri hpe nu Dim ai. Kaga kamoi kana karat kaning raitim lahta na hte maren rai nga ai.

Rev. Pungga Ja Li

Jinghpaw a hkap la hkan sa shatup la (Pang 1)

Chyeju Dum Poi

Chiang Mai Wunpawng Christan Chruch kaw chyeju dum poi hpe November 30 2008 laban shani galaw lai wa sai. Ndai sumla gaw nawku jawng kata kaw mawn sumli da ai nsi naisi, nampu nampan, majap, chyinghkrang, lwi-dwi si hte kaga namsi hpan law law ni rai nga ai.

MP3Ants.com - I Gotta Go My Own Way - High School Musical

I Gotta Go My Own Way - High School Musical

More MP3 @ MP3Ants.com

Mawmu (Lotus)

Gai lak lai ai gaw n rai tim, yu tsawm dum ai majaw mara da ai. Kara nampan hpe mung grai ra hkra gaw n re ai, tim nampan mu shagu di la mayu ai. Ndai nampan hpe mu yang mung grai kaw-la-kai dum ai le, shi hkrai sha pru taw majaw manang n lu taw lu ai.

Cave de shang na matu lung wa ai lam......

Ntsa kaw na gayet da ai majaw asan sha n mu lu ai, loi mi tsaw ai bum lung lam re. Magi magaw re ai lam mung rai nna, lung ngut yang minutes 15 ram sa la na she cave kata de lu shang ai. Cave kata de shang ai hte ga kata de yu hkrai yu ra na, npu de yu mada yang baw pyi sin ai. Dai kata de gaw Thai ni na Hpara sumla ni hte kaga sumla ni mung mu lu ai. Shing-ra byin taw ai dusat sumla amyu myu hpe mung mu lu ai. Dai cave gaw ram ram sung ai re majaw, bai pru le wa na matu lahkap she gari hkra lakang lung yang she shinggan de du pru wa lu ai. Ndai shara gaw Chiang Mai Myu shinggan kaw nga ai, hpun kaji kaba law law tu ai bum langai mung re. Dai shang wa na shara mi kaw sa ra hte hpara langai galaw da ai. Dai shara kaw mung, cave kata hkan e mung dai kaw sa du ai mashaw law law wa akyu hpyi n'gun awoi la ai hpe mung mu lu ai. Mungdan shagu hta mung na zawn re ai shara law law nga ai, dai lam ni hpe yu yang Karai Kasang a mau hpa hpung shingkang hpe mung sawn dum nngai.

Mati hte bung ai Udi

Hot spring sa ai shaloi mu lu ai Udi sumla rai nga ai, hkalum gaw udi pi mai shadu sha mai ai, dai ram kahtet ai hkalum re. Dai majaw udi sumla ni galaw tawn da sam ang ai. Tsan tsan na yu yang mati shadu ai, tim ni ni bai sa yu yang gaw udi she rai taw ai le.

Sa Du Chyai Ga (Baan Kalang Doi)

Baan Kalang Doi Resource wang kata shara mi kaw re, ndai resource kata kaw simsa la ai hte tsit lali tsawm ai shara rai nga ai. Thai ni gaw sun wang dum nta ni hpe shatsawm jahtap ai hpaji grai rawng ai hpe mung mu mada ai, resource kata kaw mawn sumli da ai mung grai tsawm htap ai hte, sa du manam ai masha ni myit pyaw myit simsa lam lu ma ai.